യാത്രയയപ്പ് 

 

 ചട്ടഞ്ചാൽ  ഹയർ സെക്കന്ററി സ്‌കൂൾ  സർവീസിൽ നിന്ന് വിരമിക്കുന്ന   പ്രിൻസിപ്പൽ  ശ്രീ. രതീഷ് കുമാർ,  ഹൈസ്‌കൂൾ  വിഭാഗം  അധ്യാപകരായ  ശ്രീ. വേണുനാഥൻ മാസ്റ്റർ,  ശ്രീമതി  പാത്തുമ്മ ടീച്ചർ  , ശ്രീമതി   രാധിക  ടീച്ചർ  എന്നിവർക്ക് യാത്രയയപ്പു നൽകി

                         

പ്രവേശനോത്സവം 2021

  ചട്ടഞ്ചാൽ ഹയർ സെക്കന്ററി സ്‌കൂൾ  പ്രവേശനോത്സവം    ജൂൺ 1 ന്ന്‌   ഓൺലൈനിലൂടെ  നടത്തി.  ഹെഡ്മിസ്ട്രസ്  യമുന  ടീച്ചർ  സ്വാഗതം പറഞ്ഞു .  പ്രവേശനോത്സവ ഗാനം  ക്ലാസ് ഗ്രൂപ്പുകളിൽ     അയച്ചു

ലിറ്റിൽ കൈറ്റ്സ്  ഡിജിറ്റൽ മാഗസിൻ  പ്രകാശനം ചെയ്‌തു

ചട്ടഞ്ചാൽ ഹയർ സെക്കന്ററി സ്‌കൂളിലെ  ലിറ്റിൽ കൈറ്റ്സ്  വജ്ര സൂചി  എന്ന ഡിജിറ്റൽ  മാഗസിൻ  ചട്ടഞ്ചാൽ  ഹയർ സെക്കന്ററി സ്‌കൂൾ പ്രിൻസിപ്പൽ  ശ്രീ. മണികണ്ഠ  ദാസ്  പ്രകാശനം  ചെയ്തു.

 മികവുറ്റ കലാ പ്രകടനവുമായി കലോത്സവം  സമാപിച്ചു

ചട്ടഞ്ചാൽ ഹയർ സെക്കന്ററി സ്‌കൂളിൽ രണ്ടു ദിവസങ്ങളിലായി നടന്ന കലോത്സവം  സമാപിച്ചു.  മികവുറ്റ പ്രകടനങ്ങളുമായി  കുട്ടികൾ  കലോത്സവ വേദിയിൽ വാശിയോടെ മത്സരിച്ചു .  നൃത്ത ഇനങ്ങളിലായിരുന്നു  ഏറ്റവും കൂടുതൽ മത്സരങ്ങൾ നടന്നത്.

ചട്ടഞ്ചാൽ ഹയർ സെക്കന്ററി സ്‌കൂൾ  കലോത്സവം  2019 സിനിമ, സീരിയൽ താരം ഉണ്ണി രാജ ഉത്ഘാടനം ചെയ്തു. യോഗത്തിൽ പി.ടി.എ പ്രസിഡന്റ്   ശ്രീ. മുഹമ്മദ് കുഞ്ഞി കടവത് അധ്യക്ഷം വഹിച്ചു.  സ്‌കൂൾ മാനേജർ ശ്രീ.  മൊയ്‌തീൻ കുട്ടി ഹാജി ആമുഖ പ്രസംഗം നടത്തി. സ്‌കൂൾ പ്രിൻസിപ്പൽ ശ്രീ. മണികണ്ഠദാസ് , സ്‌കൂൾ ഹെഡ് മിസ്ട്രസ് ശ്രീമതി. പി.കെ ഗീത   എന്നിവർ ആശംസ പ്രസംഗം നടത്തി. കലോത്സവം കൺവീനർ ശ്രീമതി ശ്രീജ നന്ദി പറഞ്ഞു.

 

സ്‌കൂൾ കായികമേള സമാപിച്ചു

ചട്ടഞ്ചാൽ ഹയർ സെക്കന്ററി  സ്കൂൾ കായികമേള ഇന്റർ ഡിസ്ട്രിക്‌ട് കബഡി ചാമ്പ്യൻ ഹബീബ് ഉൽഘാടനം  ചെയ്തു .  യോഗത്തിൽ പി.ടി.എ പ്രസിഡന്റ് ശ്രീ. മുഹമ്മദ് കുഞ്ഞി  കടവത് അധ്യക്ഷം വഹിച്ചു . രാവിലെ 9.30 നു നടന്ന മാർച്ച്‌ പാസ്റ്റിൽ സ്കൂൾ എസ് .പി.സി. ടീം , സ്കൌട്സ് ആൻഡ്‌ ഗെയ്ട്സ് ,റെഡ്ക്രോസ്, വിവിധ ഹൌസ് ലീഡർമാർ , കായിക താരങ്ങൾ എന്നിവർ അണിനിരന്നു. ശ്രീ. കെ. ഹബീബ് കായിക താരങ്ങളുടെ മാർച്ച് പാസ്റ്റിൽ സല്യൂട്ട്  സ്വീകരിച്ചു. 

  പച്ചക്കറി  വിളവെടുപ്പ്   ഉൽഘാടനം  ശ്രീ. ഉമ്മൻ ചാണ്ടി നിർവഹിച്ചു 

               സ്‌കൂൾ മുറ്റത്തു   പരിപാലിച്ചിരുന്ന പച്ചക്കറി തോട്ടത്തിൽ  സമൃദ്ധമായി വിളഞ്ഞ  വെണ്ടയ്ക്ക, വഴുതനിങ്ങ , പച്ച മുളക്  കൃഷിയുടെ  വിളവെടുപ്പുൽഘാടനവും  ശ്രീ. ഉമ്മൻ‌ചാണ്ടി  നിർവഹിച്ചു. ആദ്യ വിളവെടുപ്പ്  വെണ്ടയ്ക്ക  അദ്ദേഹം  പി.ടി.എ പ്രസിഡണ്ട്  ശ്രീ. മുഹമ്മദ് കുഞ്ഞി കടവത്തിന് നൽകി .

ശ്രീ. കെ. മൊയ്‌തീൻ കുട്ടി ഹാജിക്ക്  സ്‌കൂളിന്റെ   ആദരം

എൺപതിന്റെ നിറവിലും പി.ഡബ്ല്യൂ .ഡി  കരാർ രംഗത്തു്  സജീവമായ കെ. മൊയ്‌തീൻ കുട്ടി ഹാജി ലൈഫ് ടൈം അചീവ്മെന്റിനുള്ള നോർത്ത് മലബാർ  ചേംബർ ഓഫ് കോമേഴ്സിന്റെ   അവാർഡ്  നേടിയതിൽ ചട്ടഞ്ചാൽ ഹയർ സെക്കന്ററി സ്‌കൂൾ ആദരവ് നൽകി .

എസ് . പി. സി  ക്രിസ്ത്മസ്   വെക്കേഷൻ  ക്യാമ്പ്  ഉത്ഘാടനം

 ചട്ടഞ്ചാൽ  ഹയർ സെക്കന്ററി  സ്കൂൾ  എസ് . പി. സി.  വെക്കേഷൻ  ക്യാമ്പ്   കാഞ്ഞങ്ങാട്  DYSP  കെ . ദാമോദരൻ  ഉത്ഘാടനം ചെയ്തു.

ക്രിസ്ത്മസ് ആഘോഷം  അമ്മമാർക്കൊപ്പം ,  ചട്ടഞ്ചാൽ  എസ് .പി.സി ടീം  ആഹ്ളാദത്തിമിർപ്പിൽ

സംസ്ഥാന കലോത്സവത്തിൽ  ചട്ടഞ്ചാൽ സ്‌കൂളിന്  മികച്ച നേട്ടം

സംസ്ഥാന സ്‌കൂൾ കലോത്സവത്തിൽ  ചട്ടഞ്ചാൽ ഹയർ സെക്കന്ററി സ്‌ക്കൂൾ  മികച്ച നേട്ടം കൈവരിച്ചു.  മോണോ   ആക്ടിൽ  ഹയർ സെക്കന്ററി വിഭാഗത്തിൽ ദേവി കൃപയും, ഹൈസ്‌കൂൾ വിഭാഗത്തിൽ ആദിത്യദേവും  എ ഗ്രേഡ് നേടി. കാവ്യകേളിക്ക്  ശില്പ  എ ഗ്രേഡ് നേടി . മാർഗം കളിയിലും  എ ഗ്രേഡ്  നേടാൻ ടീമിന് കഴിഞ്ഞു. ഇംഗ്ലീഷ് പ്രസംഗത്തിൽ ഹൈസ്‌കൂൾ വിഭാഗത്തിൽ അഞ്ജന ജെ നായറും , ഹയർ സെക്കന്ററി വിഭാഗത്തിൽ   ഹന അബ്ദു സമീറും  എ ഗ്രേഡ് നേടി. ഇംഗ്ലീഷ് ഉപന്യാസത്തിൽ  അപർണയും ,മോഹിനിയാട്ടത്തിൽ  സ്വേത കൃഷ്ണനും  എ ഗ്രേഡ് നേടി . ചവിട്ടു നാടകത്തിൽ ഹൈസ്‌കൂൾ, ഹയർ സെക്കന്ററി വിഭാഗത്തിൽ  എ ഗ്രേഡ് നേടി. തിരുവാതിര ഹയർ സെക്കന്ററി വിഭാഗത്തിൽ  അനന്യ ആൻഡ് പാർട്ടി എ ഗ്രേഡ് നേടി. നാടൻ  പാട്ടിൽ അപ്പീലുമായി  പോയി എ ഗ്രേഡ് നേടിയത്  ടീമിന്  അഭിമാനാർഹമായ  നേട്ടമായി  .  നാടോടി നൃത്തത്തിൽ അഭിനവ് സംസ്‌ഥാനത്തു തുടർച്ചയായി രണ്ടാം തവണയും  എ ഗ്രേഡ്  നേടി.

ചവിട്ടുനാടകത്തിന്റെ  കാസർകോടൻ  പെരുമ ആലപ്പുഴയിലേക്ക്‌  

സ്‌കൂൾ കലോസ്തവത്തിൽ  ചവിട്ടുനാടകം മത്സരയിനമായ വർഷം മുതൽ തുടർച്ചയായി ആറു വർഷം ഹൈ സ്‌കൂൾ, ഹയർ സെക്കന്ററി  വിഭാഗത്തിൽ  കാസർഗോഡ് ജില്ലയെ പ്രതിനിധീകരിച്ചു  സംസ്ഥാന മത്സരത്തിൽ പങ്കെടുക്കുന്നത്  ചട്ടഞ്ചാൽ ഹയർ സെക്കന്ററി സ്‌കൂൾ   ടീം ആണ്.   വിസ്മയ കരമായ  പ്രകടനം  ആയിരുന്നു കണ്ണൂരിൽ വെച്ച് നടന്ന കലോസവത്തിൽ  ടീം  കാഴ്ച വെച്ചത്. സംസ്ഥാനത്തും മികച്ച പ്രകടനം കാഴ്ച വെയ്ക്കാനുള്ള തയ്യാറെടുപ്പിലാണ്  കുട്ടികൾ.