തിരുവതിരക്കളിയിൽ സംസ്ഥാനത്ത് ആറാം സ്ഥാനം 

 ചട്ടഞ്ചാൽ സ്കൂൾ അവതരിപ്പിച്ച ഹൈസ്കൂൾ  വിഭാഗം തിരുവാതിര സംസ്ഥാനത്ത് ആറാം സ്ഥാനം. കാസറഗോഡ് ജില്ലാ കലോത്സവത്തിൽ നിന്ന് തഴയപ്പെട്ട് അപ്പീലുമായി സംസ്ഥാന കലോത്സവത്തിൽ മത്സരിച്ച തിരുവതിരക്കളിയിൽ ജില്ലയിലെ ഒന്നാം സ്ഥാനക്കാരെ ബഹുദൂരം  പിന്നിലാക്കിയാണ് സ്കൂൾ ഈ നേട്ടം കൈവരിച്ചത്. സ്കൂൾ പി.ടി.എ യുടെ ആഭിമുഘ്യത്തിൽ വിജയികളെ അനുമോദിച്ചു.

തിരുവതിരക്കളിയിൽ  നിന്ന് 

തിരുവാതിരക്കളിയുടെ  വീഡിയോ ദൃശ്യം

   ഉത്സവം  2015

2014-15 വർഷത്തിൽ ചട്ടഞ്ചാൽ സ്കൂളിനെ പ്രതിനിധീകരിച്ച്   സംസ്ഥാന കലോത്സവത്തിൽ മികച്ച പ്രകടനം കാഴ്ചവെച്ച മത്സര ഇനങ്ങൾ  ഉത്സവം 2015 പരിപാടിയിൽ അവതരിപ്പിച്ചു. സ്കൂൾ ഓഡിറ്റോറിയത്തിൽ പി.ടി.എ.യുടെയും , സ്റ്റാഫിന്റെയും  ആഭിമുഘ്യത്തിൽ സംഘടിപ്പിച്ച  ഉത്സവം 2015 കാസറഗോഡ് വിദ്യാഭ്യാസ  ഡെപ്യുട്ടി  ഡയരക്റ്റെർ  ശ്രീ. സി. രാഘവൻ  ഉത്ഘാടനം ചെയ്തു.  പി.ടി.എ പ്രസിഡന്റ്‌  ശ്രീ. ടി. കണ്ണൻ  അദ്ധ്യക്ഷനായി  . സ്കൂൾ അഡ്മിനിസ്ട്രററിവ്  കമ്മിറ്റി ചെയർമാൻ ശ്രീ. മൊയ്തീൻ കുട്ടി ഹാജി , ചെമ്മനാട് പഞ്ചായത്ത്‌ ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ഷംസുദീന്‍ തെക്കില്‍,  ശ്രീ.സുലൈമാൻ ബാദുഷ, ശ്രീ. രാഘവൻ നായർ, ഹെഡ് മാസ്റ്റർ ശ്രീ. കെ.എം. വേണുഗോപാലൻ , സ്റ്റാഫ്‌ സെക്രട്ടറി  മുഹമ്മദ്‌ ബഷീർ സി .എച്  എന്നിവർ  ആശംസ  പ്രസംഗം  നടത്തി. പ്രിൻസിപ്പൽ എം. മോഹനൻ നായർ  സ്വാഗതവും , കലോത്സവം കൻവീനർ അബ്ദു സമീർ നന്ദിയും പറഞു .

വിദ്യാഭ്യാസ  ഡെപ്യുട്ടി  ഡയരക്റ്റെർ  ശ്രീ. സി. രാഘവൻ  ഉത്ഘാടനം ചെയ്യുന്നു.

 അരുണ്‍ അശോകിന്   അനുമോദനം 

സംസ്ഥാന കലോത്സവത്തിൽ ഹൈസ്കൂൾ വിഭാഗം ആണ്‍ കുട്ടികളുടെ  ഭരതനാട്യത്തിലും , കുച്ചുപുടിയിലും, നാടോടി നൃത്തത്തിലും   അരുണ്‍ അശോക്‌ സംസ്ഥാന തലത്തിൽ ഒന്നും, രണ്ടും സ്ഥാന ങ്ങൾ  നേടി. കുച്ചുപുടിയിൽ സംസ്ഥാനത്ത് ഒന്നാം സ്ഥാനം നേടിയപ്പോൾ ഭരത നാട്യത്തിലും, നാടോടി നൃത്തത്തിലും   രണ്ടാം സ്ഥാനം നേടാൻ ഈ മിടുക്കന്  കഴിഞു.  സ്കൂൾ പി.ടി.എ യുടെ അഭിമുഘ്യത്തിൽ സ്കൂളിൽ വെച്ച് നടന്ന ചടങ്ങിൽ അരുണിനെ അനുമോദിച്ചു.

ഡി.ഡി.ഇ ശ്രീ . സി. രാഘവൻ അരുണ്‍ അശോകിനെ അഭിനന്ദിക്കുന്നു.

ചവിട്ടു നാടകത്തിൽ  ഹാട്രിക് നേട്ടവുമായി ചട്ടഞ്ചാൽ  സ്കൂൾ 

 കലോത്സവ ഇനത്തിലെ ഒരു മത്സര ഇനമായി ചവിട്ടുനാടകം ഉൾ പ്പെടുത്തിയപ്പോൾ മുതൽ ചട്ടഞ്ചാൽ സ്കൂൾ  ജില്ലയിൽ ആധിപത്യം സ്ഥാപിക്കുകയായിരുന്നു . ഇക്കുറി ശക്തമായ എതിരാളികൾ  ഉണ്ടായിട്ടും ഹൈസ്കൂൾ വിഭാഗത്തിലും, ഹയര് സെക്കന്ററി വിഭാഗത്തിലും ഹാട്രിക് നേട്ടം നേടാൻ സ്കൂളിനു കഴിഞ്ഞു. സംസ്ഥാന തലത്തിലും  എ ഗ്രേഡ് നേടികൊണ്ട് മികച്ച നേട്ടമാണ് സ്കൂൾ ഈ ഇനത്തിൽ കൈവരിച്ചത്.

ഹയർ  സെക്കന്ററി  ചവിട്ടു നാടകത്തിൽ എ ഗ്രേഡ്  നേടിയ  ചട്ടഞ്ചാൽ സ്കൂൾ ടീം 

ഹൈസ്ക്കൂൾ ചവിട്ടു നാടകത്തിൽ  എ ഗ്രേഡ്  നേടിയ ചട്ടഞ്ചാൽ സ്കൂൾ ടീം 

ചവിട്ടു നാടകത്തിലെ  ഒരു രംഗം 

കലോത്സവത്തിൽ മത്സരിക്കാൻ വ്യാജമായി ഒന്നും ചെയ്യാതെ തന്നെ കലോത്സവ വേദികളിൽ സുതാര്യതയോടെ മൽസരിച്ച്   നേടിയ ഈ വിജയത്തിൽ സ്കൂൾ പി.ടി.എ യുടെ അഭിമുഘ്യത്തിൽ സ്കൂളിൽ വെച്ച് നടന്ന ചടങ്ങിൽ അനുമോദിച്ചു. ചടങ്ങിനു ശേഷം ചവിട്ടുനാടകം വിദ്യാർഥികൾ അവതരിപ്പിച്ചു.

സംഘനൃത്തത്തിൽ ഇരട്ട നേട്ടം

സംസ്ഥാന കലോത്സവത്തിലെ ഹൈസ്കൂൾ വിഭാഗം സംഘ നൃത്തത്തിലും , ഹയർ സെക്കന്ററി വിഭാഗം സംഘ നൃത്തത്തിലും  എ ഗ്രേഡ്  നേടി കൊണ്ട് ചട്ടഞ്ചാൽ സ്കൂൾ ഇരട്ട നേട്ടം നേടി.  സ്കൂൾ ഓഡിറ്റോറിയത്തിൽ പി.ടി.എ യുടെ ആഭിമുഘ്യത്തിൽ കുട്ടികളെ അനുമോദിച്ചു.  സ്കൂൾ വിദ്യാർഥികൾക്കായി  ഹൈസ്കൂൾ വിഭാഗം സംഘ നൃത്തവും, ഹയർ സെക്കന്ററി വിഭാഗം സംഘ നൃത്തവും  അവതരിപ്പിച്ചു.