Tuesday, November 21, 2017

ആഹ്ലാദ പ്രകടനം നടത്തി 
കാസറഗോഡ് സബ്ജില്ലാ കലോത്സവ ഹൈസ്‌കൂൾ വിഭാഗം കിരീടം  തുടർച്ചയായി നേടിയതിന്റെ  ആഹ്ലാദ പ്രകടനം  കലോത്സവ വിജയികളെല്ലാം  അണി  നിരന്ന്   ചട്ടഞ്ചാലിൽ നടത്തി.  ചട്ടഞ്ചാൽ സ്‌കൂളിൽ നിന്നാരംഭിച്ച  പ്രകടനം  സ്‌കൂൾ ഹെഡ് മിസ്ട്രസ്  ശ്രീമതി. പി.കെ ഗീത , പി.ടി. എ  പ്രസിഡന്റ് ശ്രീ. മൊയ്‌തീൻ കുഞ്ഞി കടവത്  എന്നിവർ നേതൃത്യം  നൽകി. ചട്ടഞ്ചാൽ ടൌൺ ചുറ്റി പ്രകടനം  സ്‌കൂളിൽ തിരിച്ചെത്തി.
കലോത്സവ കിരീടവും, ട്രോഫികളും  സ്‌കൂളിൽ വെച്ചപ്പോൾ


ആഹ്ലാദ പ്രകടനം മുൻനിര

ചാംപ്യൻഷിപ് ട്രോഫി യുമായി കുട്ടികൾ


 

Monday, November 20, 2017

ചവിട്ടു നാടകത്തിൽ  അജയ്യരായി  ചട്ടഞ്ചാൽ  സ്കൂൾ 

കാസറഗോഡ് സബ് ജില്ല  കലോത്സവത്തിൽ  കലോത്സവ ഇനത്തിലെ ഒരു മത്സര ഇനമായി ചവിട്ടുനാടകം ഉൾപ്പെടുത്തിയപ്പോൾ മുതൽ ചട്ടഞ്ചാൽ സ്കൂൾ  ചവിട്ടു നാടകത്തിൽ  ആധിപത്യം സ്ഥാപിക്കുകയായിരുന്നു .  ഹൈസ്കൂൾ വിഭാഗത്തിലും, ഹയർ  സെക്കന്ററി വിഭാഗത്തിലും  എ ഗ്രേഡോടെ ഒന്നാം സ്ഥാനം  നേടാൻ സ്കൂളിനു കഴിഞ്ഞു.    കഴിഞ്ഞ ആറുവർഷമായി  സ്‌കൂൾ  ഒന്നാം സ്ഥാനം നേടുകയായിരുന്നു.  

പ്രിൻസിപ്പൽ എം. മോഹനൻ നായർ,  കൺവീനർ ഷീബ  ചവിട്ടുനാടക ടീമിനൊപ്പം

പരിശീലകൻ ടീമിനൊപ്പം

ഹൈസ്‌കൂൾ വിഭാഗം കൺവീനർ  സജിത, വാസുദേവൻ മാസ്റ്റർ ചിവിട്ടുനാടക ടീമിനൊപ്പം


വേദിയിൽ  നിന്ന്

വേദിയിൽ നിന്ന്

ഹയർ സെക്കന്ററി വിഭാഗം കൺവീനർ രേഷ്മ, സുജാത ടീച്ചർ പരിശീലകനും ടീമിനുമൊപ്പം

 

Sunday, November 19, 2017

കലോത്സവ കിരീടം  വീണ്ടും  ചട്ടഞ്ചാലിന്  
കാസറഗോഡ് സബ്ജില്ലാ കലോത്സവ ഹൈ സ്‌കൂൾ വിഭാഗം കിരീടം  ഇക്കൊല്ലവും സർവ്വാധിപത്യത്തോടെ  ചട്ടഞ്ചാൽ ഹയർ സെക്കന്ററി സ്‌കൂൾ  നില നിറുത്തി.  മത്സരിച്ച മറ്റു സ്‌കൂളുകളെയെല്ലാം  ബഹുദൂരം പിന്നിലാക്കി മൊത്തം  222  പോയിന്റുമായാണ്  ചട്ടഞ്ചാൽ   ഓവറോൾ  ചാംപ്യൻഷിപ്  നേടിയത്.  ഹയർ സെക്കന്ററി കലോത്സവത്തിൽ  സ്‌കൂൾ മൂന്നാം  സ്ഥാനം നേടി.  

കലോത്സവത്തിലെ  ഒന്നാം സ്ഥാനം നേടിയ വിവിധ ഗ്രൂപ്പിനങ്ങൾ


ഒന്നാം സ്ഥാനം നേടിയ  ഹൈസ്‌കൂൾ വിഭാഗ നാടക ടീം

ഒന്നാം സ്ഥാനം നേടിയ ഗ്രൂപ്പ് ഡാൻസ് ടീം

തിരുവാതിര ടീം

ഒപ്പന ടീം


Sunday, November 12, 2017

സബ്  ജില്ലാ കായികമേളാ വിജയികൾക്ക് സമ്മാനദാനം  നൽകി


കാസറഗോഡ് സബ് ജില്ലാ കായികമേളയിൽ വിജയികളായവർക്ക്  സ്‌കൂൾ അസ്സെംബ്ലിയിൽ  വെച്ച്  പി.ടി.എ പ്രസിഡന്റ് ശ്രീ.  മുഹമ്മദ്  കുഞ്ഞി കടവത് സമ്മാനദാനം നൽകി.  സീനിയർ ടീച്ചർ ശ്രീ. ഈശ്വരൻ മാസ്റ്റർ വ്യക്തിഗതഇനങ്ങളിൽ വിജയികളായവർക്ക്   സമ്മാനദാനം നൽകി. പ്രിൻസിപ്പൽ ശ്രീ. എം. മോഹനൻ നായർ, ഹെഡ്മിസ്ട്രസ് ശ്രീമതി . പി.കെ. ഗീത എന്നിവർ സംസാരിച്ചു.







Friday, November 10, 2017

സബ് ജില്ലാ  മാത്‍സ് സെമിനാർ  ശ്രെയക്ക്   ഒന്നാം സ്ഥാനം  

സബ് ജില്ലാ ശാസ്ത്ര സെമിനാർ മത്സരത്തിൽ  ഒമ്പതാം  ക്ലാസ് വിദ്യാർത്ഥി  ശ്രെയ എസ്  നമ്പ്യാർ ഒന്നാം സ്ഥാനം നേടി.  രാമാനുജൻ പേപ്പർ  പ്രെസെന്റഷനിൽ  ഒമ്പതാം ക്ലാസ് വിദ്യാർത്ഥി നന്ദന മൂന്നാം  സ്ഥാനം നേടി. വിജയികൾക്ക്  പി.ടി.എ പ്രസിഡന്റ് ശ്രീ. മുഹമ്മദ് കുഞ്ഞി കടവത് സമ്മാനദാനം നൽകി.
ശ്രെയ എസ്  നമ്പ്യാർ

നന്ദന വി.കെ

സബ് ജില്ലാ ശാസ്‌ത്രോത്സവ  വിജയികൾക്ക്   സമ്മാനദാനം നൽകി

ചട്ടഞ്ചാൽ ഹയർ സെക്കന്ററി സ്‌കൂൾ സബ് ജില്ലാ ശാസ്ത്ര മേള വിജയികൾക്ക്  സ്‌കൂൾ അസ്സെംബ്ലിയിൽ വെച്ച് സമ്മാന ദാനം  നൽകി. ശാസ്ത്രമേളയിൽ   ഹൈസ്‌കൂൾ ഹയർ സെക്കന്ററി വിഭാഗത്തിൽ  ഓവറോൾ ചാംപ്യൻഷിപ്  നേടി.
ശാസ്ത്രോത്സവത്തിൽ  മത്സരിച്ച വിദ്യാർഥികൾ ട്രോഫിയുമായി
 ഗണിത ശാസ്ത്ര മേളയിൽ  ഹൈസ്‌കൂൾ വിഭാഗത്തിലും, ഹയർ സെക്കന്ററി വിഭാഗത്തിലും  റണ്ണേഴ്‌സ് അപ്പ്  ആയിരുന്നു.  സോഷ്യൽ സയൻസ്   ഹയർ സെക്കന്ററി വിഭാഗത്തിൽ രണ്ടാം സ്ഥാനവും, ഹൈസ്‌കൂൾ പ്രവൃത്തി പരിചയ മേളയിൽ രണ്ടാം സ്ഥാനവും, ഐ . ടി മേളയിൽ ഹൈസ്‌കൂൾ , ഹയർ സെക്കന്ററി വിഭാഗത്തിൽ മൂന്നാം സ്ഥാനവും നേടി . വിജയികൾക്ക്  പി.ടി.എ പ്രസിഡന്റ്  ശ്രീ. മുഹമ്മദ് കുഞ്ഞി കടവത് സമ്മാന ദാനം നടത്തി. പ്രിൻസിപ്പൽ ശ്രീ. എം .മോഹനൻ നായർ , ഹെഡ് മിസ്ട്രസ് ശ്രീമതി. പി.കെ.ഗീത, സ്‌കൂൾ ലീഡർ  ഫിറോസ് എന്നിവർ  സംസാരിച്ചു.
വിവിധ ഇനങ്ങളിൽ മത്സരിച്ചു ഒന്നാം  സ്ഥാനം നേടിയ വിദ്യാർത്ഥികൾ അവരുടെമെഡൽ ഏറ്റു വാങ്ങുന്നു















Thursday, November 9, 2017

"തൊണ്ണൂറാൻ" വിത്തിട്ടു... 

നാടൻ പാട്ടിന്റെയും, വിത്തുപാട്ടിന്റെയും പ്രസന്നമായ അന്തരീക്ഷത്തിൽ, പൊയ്നാച്ചി ആടിയത്ത് വയലിലെ തരിശ് പാടത്തിൽ തൊണ്ണൂറാൻ നെൽകൃഷി വിതച്ചു. ചട്ടഞ്ചാൽ ഹയർ സെക്കന്ററി സ്കൂൾ നാഷണൽ സർവീസ് സ്കീം വളണ്ടിയർമാരായ നൂറ് വിദ്യാർത്ഥികളുടെ നേതൃത്വത്തിലാണ് കൃഷി. ചെമ്മനാട് ഗ്രാമപഞ്ചായത്ത് പ്രസിഡന്റ് കല്ലട്ര അബ്ദുൾ ഖാദർ ഉദ്ഘാടനം ചെയ്തു. പി ടി എ പ്രസിഡന്റ് മുഹമ്മദ് കുഞ്ഞി കടവത്ത് അധ്യക്ഷത വഹിച്ചു. ഗ്രാമ പഞ്ചായത്ത വൈസ് പ്രസിഡന്റ് ശകുന്തള കൃഷ്ണൻ, സ്കൂൾ മാനേജർ കെ.മൊയ്തീൻ കുട്ടി ഹാജി മുഖ്യാതിഥികളായ് പങ്കെടുത്തു.  ഗ്രാമ പഞ്ചായത്തംഗങ്ങളായ ഷംസുദ്ദീൻ തെക്കിൽ, കലാഭവൻ രാജു, സുകുമാരൻ ആലിങ്കാൽ, പിടിഎ വൈസ് പ്രസിഡന്റ് എം.രാഘവൻ നായർ, കൃഷി ഓഫിസർ ചവന നരസിംഹലു, അസിസ്റ്റന്റ് എഞ്ചിനീയർ ജയ്സ് ജോൺ, കെ.വി.രഘുനാഥൻ, വി.മോഹനൻ നായർ പെയ്നാച്ചി, ഭാസ്കരൻ ചട്ടഞ്ചാൽ, ബിന്ദു പൊയ്നാച്ചി മുതിർന്ന കർഷകരായ കാനാകൃഷ്ണൻ നായർ, കൈവേലിക്കൽ തമ്പാൻ, കൊട്ടൻ ആടിയത്ത്, പ്രോഗ്രാം ഓഫിസർ രതീഷ് പിലിക്കോട് സംസാരിച്ചു.
മാനേജർ ശ്രീ. മൊയ്‌തീൻ കുട്ടി ഹാജി നെൽ കൃഷിക്കായുള്ള വിത്ത് വിതയ്ക്കുന്നു
പ്രിൻസിപ്പൽ എം.മോഹനൻ നായർ സ്വാഗതവും, എൻ എസ് എസ് സ്റ്റുഡന്റ് ലീഡർ ഖദീജത്ത് റിഷാന നന്ദിയും പറഞ്ഞു.
ചെമ്മനാട് ഗ്രാമപഞ്ചായത്ത് പ്രസിഡന്റ് കല്ലട്ര അബ്ദുൾ ഖാദർ ഉദ്ഘാടനം ചെയ്യുന്നു

ഉഴുത് തയ്യാറാക്കിയ പാടത്തിൽ