ദേശീയ അവാർഡ് ജേതാവ് രതീഷ് മാസ്റ്റർക്ക് വേറിട്ട സ്നേഹോപഹാരവുമായി സഹപ്രവർത്തകർ
ദേശീയ അവാർഡ് ജേതാവ് രതീഷ് മാസ്റ്റർക്ക് ചട്ടഞ്ചാൽ ഹയർ സെക്കന്ററി സ്‌കൂളിലെ സഹ പ്രവർത്തകർ സ്നേഹാദരങ്ങളോടെ സ്വീകരണം നൽകി . ഉച്ച ഭക്ഷണത്തിനു ശേഷം സ്‌കൂൾ മൾട്ടീമീഡിയ റൂമിൽ സ്‌കൂൾ മാനേജർ ശ്രീ. മൊയ്‌തീൻ കുട്ടി ഹാജിയുടെ മഹനീയ സാന്നിദ്ധ്യത്തിൽ ചേർന്ന അനുമോദന ചടങ്ങിൽ പ്രിൻസിപ്പൽ ശ്രീ. എം . മോഹനൻ നായർ അധ്യക്ഷത വഹിച്ചു. സ്റ്റാഫിന്റെ വകയായുള്ള ഉപഹാരം മാനേജർ ശ്രീ. മൊയ്‌തീൻ കുട്ടി ഹാജി രതീഷ് കുമാറിന് നൽകി. സ്‌കൂൾ ചിത്ര കലാധ്യാപകൻ ശ്രീ. വിജയൻ മാസ്റ്റർ സ്വന്തം കൈവിരുതിൽ തയ്യാറാക്കിയ സമൃദ്ദിയുടെയും , സമാധാനത്തിന്റെയും പ്രകൃതി ഭംഗി ക്യാൻവാസിൽ പകർത്തി സഹപ്രവർത്തകന് നൽകിയപ്പോൾ മറ്റെല്ലാ ഉപഹാരങ്ങളിലും അമൂല്യമായ ഒരു സമ്മാനമായി ഇത് വിലയിരുത്തപ്പെട്ടു. ശ്രീ. മുരളീധരൻ മാസ്റ്റർ യോഗത്തിൽ സ്വാഗതം പറഞ്ഞു. ശ്രീ. ശ്രീധരൻ മുണ്ടോൾ , ശ്രീ. ഭാസ്കരൻ ചട്ടഞ്ചാൽ, ശ്രീമതി. രാധ. കെ, ശ്രീ. മണികണ്ഡ ദാസ് , ശ്രീ. ഈശ്വരൻ. എം, ശ്രീ. വേണുനാഥൻ, ശ്രീ രഘു നാഥൻ, ശ്രീ. രാജേന്ദ്രൻ നായർ, ശ്രീമതി പുഷ്പലത, ശ്രീമതി അഹല്യ എന്നിവർ ആശംസകൾ അർപ്പിച്ചു സംസാരിച്ചു. ശ്രീ. വാസുദേവൻ നമ്പൂതിരി ചടങ്ങിൽ നന്ദി പ്രകാശിപ്പിച്ചു. ശ്രീ. രതീഷ് കുമാർ സ്നേഹോപഹാരങ്ങൾക്കു നന്ദി പ്രകാശിപ്പിച്ചു സംസാരിച്ചു.
 |
| പ്രിൻസിപ്പൽ ശ്രീ. എം. മോഹനൻ മാസ്റ്റർ അധ്യക്ഷത വഹിച്ചു സംസാരിക്കുന്നു |
 |
| മാനേജർ ശ്രീ. മൊയ്‌തീൻ കുട്ടി ഹാജി രതീഷ് കുമാറിനെ അനുമോദിച്ചു സംസാരിക്കുന്നു |
 |
| സ്റ്റാഫിന്റെ വകയായുള്ള സ്നേഹോപഹാരം രതീഷ് കുമാറിന് നൽകുന്നു |
 |
| സ്നേഹോപഹാരം കൈവിരുതിൽ തയ്യാറാക്കിയ ചിത്രകലാധ്യാപകന അഭിനന്ദിക്കുന്ന മാനേജർ ശ്രീ. മൊയ്‌തീൻ കുട്ടി ഹാജി |
 |
| മുൻ പി.ടി.എ പ്രസിഡന്റ് ശ്രീ. ശ്രീധരൻ മുണ്ടോൾ രതീഷ് കുമാറുമൊത്തു |
 |
| ശ്രീ. ശ്രീധരൻ മുണ്ടോൾ രതീഷ് കുമാറിനെ അഭിനന്ദിച്ചു സംസാരിക്കുന്നു |
 |
| സ്നേഹോപഹാരങ്ങൾക്കു നന്ദി പ്രകാശിപ്പിച്ചു കൊണ്ട് രതീഷ് മാസ്റ്റർ |
No comments:
Post a Comment