അവനീന്ദ്രൻ മാഷിന് ആയിരങ്ങളുടെ അന്ത്യ പ്രണാമം
ചട്ടഞ്ചാൽ സ്‌കൂൾ മുൻ പ്രിൻസിപ്പലും , മികച്ച ഇംഗ്ലീഷ് അധ്യാപകനും സാമൂഹ്യ സാസ്കാരിക രംഗത്തെ സജീവ പ്രവർത്തകനുമായ ശ്രീ. അവനീന്ദ്രൻ മാസ്റ്റരുടെ ആകസ്മിക നിര്യാണത്തിൽ അന്തിമോപചാരമർപ്പിക്കാൻ സമൂഹത്തിന്റെ നാനാ തുറകളിൽപെട്ട ആയിരങ്ങളാണ് എത്തിച്ചേർന്നത്. ശനിയാഴ്ച രാവിലെ പരിയാരം മെഡിക്കൽ കോളേജിൽ നിന്ന് പോസ്റ്റ്മാർട്ടം ചെയ്ത മൃത ശരീരം പയ്യന്നൂർ സഹകരണ ആശൂപത്രിയിൽ ഉച്ചക്ക് രണ്ടുമണിയോടെ പൊതു ദർശനത്തിന് വെച്ചു . പിന്നീട് വൈകിട്ട് അഞ്ചു മണിയോടെ കുണ്ടയം കൊവ്വലിനടുത്ത താഴക്കുറുന്ത് പാർട്ടി ഓഫീസിൽ പൊതു ദർശനത്തിന് വെച്ചപ്പോൾ ആയിരങ്ങളാണ് കുണ്ടയം കൊവ്വൽ എന്ന ഗ്രാമത്തിലേക്കു അവനീന്ദ്രൻ മാഷിന് അന്ത്യ പ്രണാമം നല്കാൻ എത്തിയത്. ചട്ടഞ്ചാൽ സ്‌കൂൾ മാനേജർ ശ്രീ. മൊയ്‌തീൻ കുട്ടി ഹാജി, പി.ടി.എ പ്രസിഡന്റ് ശ്രീ. മുഹമ്മദ് കുഞ്ഞി കടവത് , പ്രിൻസിപ്പൽ ശ്രീ. മോഹനൻ നായർ , ഹെഡ് മിസ്ട്രസ് ശ്രീമതി. പി.കെ. ഗീത , സ്‌കൂൾ അധ്യാപക- അധ്യാപകേതര ജീവനക്കാർ , പൂർവ വിദ്യാർത്ഥികൾ, രാഷ്ട്രീയ സാമൂഹിക സാസ്കാരിക മേഖലയിലെ പ്രമുഖർ, നാട്ടുകാർ എന്നിങ്ങനെ നൂറുകണക്കിനാളുകൾ കുണ്ടയം കൊവ്വലിലുള്ള അദ്ദേഹത്തിന്റെ വസതിയിലെത്തി അന്തിമോചാരം അർപ്പിച്ചു.
 |
| അവനീന്ദ്രൻ മാഷ് പ്രിൻസിപ്പൽ ആയിരിക്കുമ്പോൾ വിദ്യാരംഗം ഉൽഘാടന ചടങ്ങിൽ നിന്ന് |
 |
| മദർ പി.ടി.എ വാർഷികാഘോഷത്തിൽ നിന്ന് |
 |
| വിരമിക്കൽ വേളയിൽ പി,ടി എ യുടെ പ്രശസ്തി പത്രം ഏറ്റവാങ്ങുന്നു |
No comments:
Post a Comment