സ്വതന്ത്രദിനാഘോഷം

 സ്വതന്ത്രദിനാഘോഷം

ചട്ടഞ്ചാൽ ഹയർ സെക്കണ്ടറി സ്കൂൾ സ്ഥാപക മാനേജർ, ജനാബ്: ടി കെ അബ്ദുൽ ഖാദർ ഹാജിയുടെ, സ്മരണയ്ക്ക് മക്കൾ ഏർ പ്പെടുത്തിയ ഹൈസ്കൂൾ ഹയർ സെക്കണ്ടറി വിഭാഗം പരീക്ഷയിൽ എല്ലാവിഷയങ്ങളിലും എ പ്ലസ് നേടിയ കുട്ടികൾക്കുള്ള അനുമോദനവും, പ്ലസ്ടു പരീക്ഷയിൽ 1200/1200 മാർക്ക് നേടിയ നകുൽ.പി എന്ന കുട്ടിക്ക് എന്ടോവ് മെന്റ് വിതരണവും സ്വാതന്ത്ര്യ ദിനത്തിൽ സ്കൂളിൽ വെച്ച്  നടന്നു . ആഗസ്ത്‌ 15-ന് രാവിലെ 10-മണിക്ക്  അസംബ്ലിയിൽ പതാക ഉയർത്തിയതിന് ശേഷം സ്കൂൾ ഓഡിറ്റോറിയത്തിൽ വെച്ച് അധ്യാപകനും, സാഹിത്യ വിമർശകനും, ഗാന്ധിയനുമായ പി.പി. ദാമോദരൻ മാസ്റ്റർ ഉദ്ഘാടനം നിർവഹിച്ചു..

ഇക്കഴിഞ്ഞ പൊതു പരീക്ഷയിൽ ഹൈസ്കൂൾ,ഹയർ സെക്കണ്ടറി വിഭാഗങ്ങളിൽ എല്ലാ വിഷയത്തിലും എ +ഗ്രേഡ് നേടിയ (HS-45,HSS-25) വിദ്യാർഥികൾക്ക് സ്കൂൾ സ്ഥാപക മാനേജർ ജനാബ്.ടി. കെ അബ്ദുൾ ഖാദർ ഹാജിയുടെ സ്മരണയ്ക്ക് മക്കൾ ഏർപ്പെടുത്തിയ "ജനാബ്.ടി. കെ അബ്ദുൾ ഖാദർ ഹാജി സ്മാരക പുരസ്കാരം" ഡോ:റാഫി അഹമ്മദ്‌ വിതരണം ചെയ്തു. സ്കൂൾ സ്ഥാപക മാനേജർ, ടി.കെ അബ്ദുൾ ഖാദർ ഹാജിയുടെ സ്മരണയ്ക്ക് മക്കൾ ഏർപ്പെടുത്തിയ കേഷ് അവാർഡ്, ഹയർ സെക്കണ്ടറി വിഭാഗം പൊതു പരീക്ഷയിൽ 1200 ൽ 1200 മാർക്ക് നേടി സംസ്ഥാന തലത്തിൽ മികവ് തെളിയിച്ച നകുൽ.പി എന്ന വിദ്യാർഥിക്ക്, മകൾ ടി.കെ ജമീല നല്കി . കൊളത്തൂർ നാരായണൻ അധ്യക്ഷത വഹിച്ചു ഡോ:റാഫി അഹമ്മദ്‌ ,പ്രിൻസിപ്പൽ എം.മോഹനൻ നായർ,ഹെഡ് മാസ്റ്റർ കെ.എം വേണുഗോപാലൻ,ടി.കെ ജമീല,അബ്ദുള്ള കുഞ്ഞി,അബ്ദുൾ ബാദുഷ,സ്റ്റാഫ് സെക്രട്ടറി സി.എച്. മുഹമ്മദ്‌ ബഷീർ എന്നിവർ  സംസാരിച്ചു ..

തുടർന്ന് വിവിധ ക്ലബുകളുടെ പരിപാടികൾ നടന്നു.

പി.പി. ദാമോദരൻ മാസ്റ്റർ ഉദ്ഘാടനം  ചെയ്യുന്നു