CHATTANCHAL HIGHER SECONDARY SCHOOL

സംസ്ഥാന ശാസ്ത്രോത്സവത്തിൽ  ചട്ടഞ്ചാൽ  സ്‌കൂളിന്  മികച്ച നേട്ടം
സയൻസിനു  മൂന്നാം സ്ഥാനം ,   ഐ.ടി ക്കു റണ്ണേഴ്‌സ് അപ്പ്

               സംസ്ഥാന ശാസ്ത്രോത്സവത്തിൽ  ഹയർ സെക്കൻഡറി ഐ.ടി  മേളയിൽ രണ്ടാം സ്ഥാനവും,  ഹൈസ്‌കൂൾ സയൻസ് വിഭാഗത്തിൽ  മൂന്നാം സ്ഥാനവും  നേടി ചട്ടഞ്ചാൽ  സ്‌കൂൾ സംസ്ഥാന തലത്തിൽ  അഭിമാനാർഹമായ നേട്ടം കൈവരിച്ചു. മത്സരിച്ച ഇനങ്ങളിൽ ഭൂരിഭാഗവും  എ ഗ്രേഡ് നേടി കൊണ്ടാണ് ഈ അപൂർവ നേട്ടം കൈവരിച്ചത്. ഒമ്പതാം ക്ലാസ്സിലെ ദേവദത്തും , അഭിജിത്തും  തയ്യാറാക്കിയ  സയൻസ് സ്റ്റിൽ മോഡൽ സംസ്ഥാനത്തെ മൂന്നാമത്തെ മികച്ച മാതൃകയായി തിരഞ്ഞെടുക്കപ്പെട്ടു.

ദേവദത്തും , അഭിജിത്തും  തയ്യാറാക്കിയ  സയൻസ് സ്ററിൽ  മോഡൽ

 ഇതേ ഇനത്തിൽ മത്സരിച്ച ഐശ്വര്യയും, ശീതളും  എ ഗ്രേഡ് നേടി. ജില്ലയിലും ഇവർ തന്നെയായിരുന്നു ആദ്യ രണ്ടാം സ്ഥാനക്കാർ.  പ്രവർത്തന മാതൃകയിൽ ഒമ്പതാം ക്ലാസ് വിദ്യാർഥികളായ  മണി കുരുവിളയും, അഭിജിത്തും  എ ഗ്രേഡ് നേടി. ഹയർ സെക്കന്ററി ഐ.ടി. മേളയിൽ   മലയാള ടൈപ്പിങ്ങിൽ  നേടിയ ഇരട്ട വിജയമാണ് സംസ്ഥാത്തെ രണ്ടാം സ്ഥാനക്കാരാകാൻ  ചട്ടഞ്ചാലിനു കഴിഞ്ഞത്.  ഹയർ സെക്കന്ററി പ്ലസ് വൺ  വിദ്യാർത്ഥികളായ സോണി ജോൺ, അഞ്ജലി എന്നിവർക്കാണ് എ ഗ്രേഡ് ലഭിച്ചത്. ശ്യാം ഹരി വെബ് പേജ് ഡിസൈനിങ്ങിൽ ബി ഗ്രേഡ് നേടിയപ്പോൾ , സിദ്ധാർഥ് ഡിജിറ്റൽ പെയിന്റിംഗിന്  സി ഗ്രേഡ് നേടി. ഹയർ സെക്കൻണ്ടറി സോഷ്യൽ സയൻസ്  മേളയിൽ   ആദിനാഥും, അമിതും ഒരുക്കിയ നിശ്ചല മാതൃകയും എ ഗ്രേഡ്  നേടി.  പ്രവൃത്തി പരിചയ മേളയിലെ   പാചക മത്സരത്തിൽ ഹയർ സെക്കന്ററി വിദ്യാർത്ഥി ഷെർവിൻ  സോണി  ഒരുക്കിയ   വിഭവങ്ങളുടെ  മികവും, വൈവിധ്യവും കൊണ്ട് സംസ്ഥാനത്തു ഒന്നാം സ്ഥാനാം നേടി.

ഐശ്വര്യയും, ശീതളും  എ ഗ്രേഡ് നേടി സയൻസ് അദ്ധ്യാപിക സുജാത ടീച്ചറോടാപ്പം

ഹയർ സെക്കൻണ്ടറി സോഷ്യൽ സയൻസ്  മേളയിൽ   ആദിനാഥും, അമിതും ഒരുക്കിയ നിശ്ചല മാതൃക സംസ്ഥാനത്തു  ഒമ്പതാം സ്ഥാനവും, എ ഗ്രേഡ്  നേടി.